Map di nou sa ki pa bon!


Mwen salye nou tout!

Jodia mwen deside ekri sou blog la nan lang kreyòl. Mwen fè sa nan lide poum selebre jounen entènasyonal lang ak kilti kreyòl la avèk nou menm ki konn li sam ekri.

Mwen renmen jou sa, paske li metew en fas ak kiyès ou ye, li voye w byen lwen nan rasin ou e li fose w wè kiyès ou ye tout bon. Nou se kreyòl. Mwen te deja ekri yon atik sou sijè kreyòl ak idantite. Peze sou lyen sa, poun ka lil ou byen relil: KISA NOU FE POU KREYOL ?

Mwen pap retounen pale de koze m pale deja, men m vle fè nou sonje ke mo kreyòl pa sèlman yon lang. Se tout yon pèp ki kreyòl, se kilti pèp sa, mès li ak tradisyon li yo. Kreyòl la se sa nou ye, jan nou viv, sa nou manje, jan nou pale, elatriye. Se nou menm ki imaj kreyòl la nan fas monn nan.

Nan kilti pèp kreyòl ayisyen an, gen anpil bagay ki banm plezi. Men yon bagay ki toujou amizem. Yon seri avètisman ke granmoun ba ou ak yon sèl eksplikasyon: paske sa pa bon. Men kèk grenn mwen sonje.

1- Pa louvri parapli andedan kay, sa pa bon

2- Pa mache ak yon grenn soulye/sandal nan pyew, sa pa bon

3- Pa janbe bale, sa pa bon

4-Pinga di ti bebe bèl , sa pa bon

5-Pa chaje kivèt sou tèt anndan Kay, sa pa bon
6-Pa kite moun konte kòb nan menw, sa pa bon
7-Pa ranmase fatra ak menw, sa pa bon
8- Pa chante chante antèman nan kay, sa pa bon
9- Pa lonje dwèt sou akansyèl, sa pa bon
10- Pa di antèman bèl, sa pa bon
Nou se yon pèp inik, ak yon kilti rich. Eritaj kreyol nou bèl e nou dwe fyè de li.
Map fini poum di nou, lè ou renmen pitit ou, ou pa konparel ak pa vwazin nan. Kèlkeswa jan sa ye, se jan li ye nan je paw ki enpotan. Ann pa pèdi bote kreyòl la nan metel nan lagè ak fransè.
Kreyol pa depotwa, ann sispann di  » Poukisa li pa pale kreyòl » chak fwa yon moun mal pale franse a. Moun ki pale kreyòl, ki fè chwa pran la pawòl nan mitan moun an kreyòl, renmen lang yo ak kilti yo. Se pa chak fwa yon moun bloke ak lòt lang poul panse ak kreyòl. Kreyòl la plis ke sa, se yon modèl lavi.
eritaj kreyol la
Eske nou konn kèk grenn avètisman  » sa pa bon »?
Mwen envite nou pataje kèk avèm anba atik sa, nan pati komantè. Map kontan li yo.
Mèsi paske nou te vinn fè yon ti lekti sou blog la.
Mwen jwenn imaj yo sou : Google.com
Publicités

Une réflexion sur “Map di nou sa ki pa bon!

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s